[轉貼]樓緣 by Sing69- discuss.com.hk

http://finance.discuss.com.hk/viewthread.php?tid=10490537

 

買賣單位除了價錢是重要的考慮因素之外,樓緣都是一個很大的因由,以下我分享我與一間單位的緣份。

 
我呢個單位係上一個高風浪買入的,(點解當時要買,因當時股票上賺了點錢,想把風險轉移,但呢個唔係此主題的重點.)

 
當時我鎖定買入的目標單位係新都城二期,當時新都城入場費 係二百一十萬.我和A經紀係十分相熟,入到公司看電腦盤,當時最平一件 係底層 摸貨盤 開二百二十萬元,對方買入價係二百萬。 首先我對低層盤不大興趣,但再開的是 2,230,000至 2,300,000元了。

 

第一次失望 

 
我和經紀說,用你的方法,2,150,000,看看可不可以,我一路在經紀身旁,經紀用的方法都是,你不用上會,不若賺十多萬再炒另一個等等.都經過了十多分鐘的對話.經紀說,終於搞掂,我又不用再煩選樓了,但心底內其實不太開心(因我從未買入過低於二十樓的單位),因我當晚有晚宴,當時已到下午三時多,經紀說對方不是區內人,未能於下午六時前到來簽臨約,我便開對方律師樓名的支票(因是摸貨,我諗好多網友明白為何開律師樓名的票).在簽了臨約買方的名,等經紀的消息........

 
到晚上七時多,經紀致電給我,對不起 X先生,對方反口了,我問他為什麼,他說賣家呢個摸貨盤,係兩個人一起投資的,首先佢地以經上了會,不存在不用上會炒多轉的問題,另外剛剛沒有和他通電的另一位合作伙伴,他想再賺多一些才賣.沒有辨法了(P.S. 馬後炮後大家都知金融風暴來了,以我所知(經紀轉達)對方損手而回),經紀和我當時都不開心,唯有明天再繼續找樓的生涯。

 

第二次失望

 

呢一間沒有了, 不重要,再和經紀係電腦面前掃盤,經紀說呢一個盤好難找到個買家,已經 REMARK 了,資料如下: 頂層單位,但呢個單位樓上是水箱,沒有天壹入積,隔離單位就有天台入積,我諗新都城的業主好清楚有那些單位是如此.開價 2,250,000元.

 
經紀說估且一試,竟然電話通了,經紀問X小姐,我係....,經紀收線後,給我的資料是,原來有租客住緊,但租客是朋友,可以看樓,但要半年後才能交吉,不會考慮連租約放.而且對方不貼市,原來長期不在香港,但過幾日回港,初步竟然願意 2,200,000元放賣,心諗發達(以當時個市價計真係好正,仲要係頂層,適合我越高越開心的心態.)經紀收佣的心態當然是快刀斬亂麻,話後天係機場等佢,叫我開定票,簽定臨約,我說沒有問題.跟著經紀查契,問題來了..............

 
首先,原來發現賣家原來有首置,經紀說怪不得是相熟朋友居住,沒有租約,經紀硬著頭皮打多次 漫遊比佢,但此次又不通了,唯有回家等 。幾個鐘後,經紀說找到了賣家了,賣家其實乜到唔識,不知有首置的樓不能就此放賣,還要簽多一份文件,我問他怎算,經紀說問題複雜得多,首先對方要去申請放賣的通知書才能放賣才能和我簽臨約,變相我今天預簽的臨約無效。

 
我問他,你如何安排,你會不會在機場等他,帶什麼都不識的賣家去簽申請放賣的文件.他說不可以了,因不夠時間,賣家只回來三天,佢又要飛,不要說多了一個首置問題,就是簡單的買賣都未必夠時間。

 

第三次失望

 

之後點 咪又要再睇樓,由2,250,000至2,200,000間得三個盤,一個係頂層(賣家有首置,不能放賣),一個係摸貨,#1已經有講,餘下來的最後一個都是摸貨,但點解當初唔打比佢,因經紀話佢成2,100,000元買回來,而且是四樓,根本上開 2,250,000 唔合理,以當時市價,而且佢 2,100,000買回來,要佢減至 2,200,000內,佢都唔夠本,佢未必肯賣。但,又估且一試,我和他說四樓唔好試啦,我自己都過唔到自己個關.但經紀說四樓又唔係咁差,因是內園,看泳池景都好正,佢接著已打電話,不等我有反應了。

答案係,個賣家唔肯滅,對方還是很粗老的人,講電話很大聲,不用經紀複說,我都聽到內容,(呢個價我唔會賣,賣到唔夠本,我依家封盤,同我改高 2,500,000元 有呢價先好打黎,唔好煩我)

 
第 四, 五 次無緣

 

經紀真的是好勤力的,力不到不為財嗎 當時全將軍澳 2,000,000至 2,200,000元 的盤,新都城沒有了,南豐和新寶城又如何？

 
新寶城和新都城大家都是恆基,都是眼鏡房,但分別就是如此大(以下是個人觀感,對住該兩個屋苑的網友,請勿介意)

 
首先新寶城未看樓先來一個唔好的印象,大堂有小強行來行去,上到單位,感覺為何像公屋,因各單位可自行加裝不秀鋼閘,入到屋內,單位編排上每座樓比較密.和經紀看後,不回價,只是搖頭,經紀明白我的意思。

 

南豐又如何,當天是下著雨的,南豐的平台花園是有條有蓋行人路,但有蓋等如無蓋,地下滿佈水桶接水,行完後,件衫都仲有水點,管理為何那麼差.不知現在有沒有改善.上到單位又如何,個賣家保養得好差,若是此,都應該是還價的好理由,但看後都是搖頭,經紀又明白我的意思.
 

第六次無緣

 
到另一個星期日,經紀打電話比我, X先生,今日有個盤業主剛剛放的,你不要問我開多少錢,你看看才說。

上到去,人馬叠叠,很多人在入面,原來是裝修中,首先看盤不輕易,裝修師傅我不禁得罪,唯有慢慢行,但其實無乜好睇,呢一些眼鏡房,一早已看過,加上裝修中,更加無野看,看的只是景觀,慢慢的前進,叫借借唔該,借借唔該,終於能站在窗前,內園景,14樓的單位,望泳池,又是未能過二十樓,扣了一分。問經紀,業主裝修什麼,是不是化粧盤,經紀說,不是,這盤業主剛買回來,上手將兩間房打通成一間,依家業主在還原而已,他本想是自住,其他同事說個市升,他才放出來的,還說,你係就快些,業主個心唔係好想賣。我問經紀咁佢開價多少,他開 2,350,000元,不若試一試 2,300,0000元如何,我話唔係呀,14樓 2,300,000元,咁我興趣唔大。

 
經紀話,咁我幫你試試再鋤佢一口,你想幾多,經紀都唔比我諗,係咁吹我,仲話個業主真係唔想賣,又話有裝修都系番到.你一收樓即係可以放租.咁我問經紀如何能保証佢交吉時能裝修完畢,又如何能保證裝修的質素,好多問題播。

 
經紀說,可以在臨約有附加,他立即急不及待打電話,他入房講了一輪電話,跟著出黎同我講................

 

經紀出來,和我說,真的沒有辦法,個客斗零都唔肯減,佢話 2,350,000元鐵價不二,咁仲好,我唔駛諗,不若我們找個第二個盤.正想埋電腦看盤時,此時另一位經紀進來,我的經紀見他入來,好似有救咁,和他說,個客2,350,000不減的情形,原來呢個經紀就係 佢溝個客放盤的經紀,呢個經紀同個新業主好熟,我的經紀說不若我們看他有沒有辦法，可以做的是等。呢個經紀唔比我聽電話內容,淨係係間房到講,講了都好耐,成十五分鐘,我都唔知有乜好講,可以講咁耐.最後出黎,話佢最多都係 2,300,000元,都是在我的不高興價內,我的經紀望著我,看我的反應,最後我是選擇搖頭,為的是什麼,兩個 ,一是低於二十樓,二是裝修的unknown,我覺得有不明朗的因素,而且呢個盤又不是特別喜歡,何必呢 ？

 

第七次無緣

 

又再過了一個星期,低於 2,300,0000 的入場單位是沒有了,經紀說,不若我們看一些優質的單位,看一看也無妨,當是看了一個 兩房的極高層向內園單位,呢個 2,450,000元,但需是極高層,但一點也不開揚,為什麼,我不形容了,是二期第八座,相熟該苑的網友會知是極近的樓景,一個字,高而已,能望一線天.但向前望,我諗和對面單位借東西,可以唔駛出門口,呢個價,不用還了,自己第一關都過不了,談不上什麼緣。
 

第八次無緣

 

這時,我考慮的是另類投資了,不若買多一架的士,又或買人民幣債劵好不好,這時我有我諗,地產經紀一定不會這樣諗,他給了我一大些連租約單位,沒有樓看的,興趣不是沒有,但只可以講不大。
 

經紀真是神通廣大的,我相熟的經紀行沒有,但佢可以找到第二間地產公司放盤(獨家代理)的單位給我看.呢一個盤是中層 向內園,望泳池,剛剛高過二十樓,二十一樓,但望泳池都要仰望.但都算開揚.開價 2,380,000元,不過當時個市真的好到你唔信,我在看樓的期間,竟然有三伙人同時看樓。

 
我返落地產鋪,還價 2,340,000元,因是跨行的問題,兩間行經紀相談便在茶餐廳了,對方賣家經紀一番周旋,真的談了有一小時,是真的,當時是午飯時間,茶餐廳的伙記很不耐煩,想趕我們走,因真的阻了人家做生意,最係,就 2,340,000元,我簽臨約,開支票,等賣家到對方的經紀行就可以了。到臨門一腳,出事了,對方經紀突然打了電話來,不得了,不得了,昨晚利x做了一單是他樓下的單位,係 2,350,000元,我問咁呢個賣家知不知呀,佢話,當然知,最後,佢當然是又反價了。

 

第九緣

 
本諗著今次和新都城二期 緣滅之際,世事住住就係咁奇怪。

 
勤力及資深的經紀,在數電腦盤的兩房單位時,在最貴的兩房開價及有找不到業主的記錄的情形之下的一個電腦盤,我的經紀嘗試打他絕望的電話,這時,電話竟然響了,但響的聲音很怪,是出奇的大聲,跟著 喂,都是出奇的大聲。

 
原來接電話的業主就在隔離,在隔離的經紀辦理緊手續,細問之下,他在新都城有兩個單位, 一個三房,一個兩房, 三房本是 兩老加上 兒子和媳婦居住,但後尾兒子和媳婦買了兩房單位另行居住,諗著享受二人世界,但買後兒子和媳婦買後又經常不在香港,根本上白交了管理費,剛剛回到香港後便諗著更新資料把此單位賣掉(因同一時間供兩層始終有此壓力),我的經紀便二話不說把他拉了過來和他相談 辦手續。

 
兩公婆問經紀現時市價是多少,他說要 2,300,000 至 2,350,000元到,你心目中諗著什麼價錢到,兩公婆說他們回港最多只有兩星期,見依家價錢好,只想總快放出。p.s. 呢個單位 在新都城是絕好的單位,能遠望兩線海,市場上放盤極少。
 

此時的我,出現買樓的 最不應該出現的舉動,就是心急,我拉著經紀說,可不可以盡快看樓,經紀問業主,業主打電話,說暫時不可以,因老人家在上面打掃中,要稍等一會。等都沒有辦法,但此時我的手提響起,我的太太致電給我,他有要事要去辦,但不能帶兒子和女兒同去,問我怎算,咁都沒有辦法,我叫他把小朋友帶到我的身邊才算。大約半小時後,業主打電話給經紀,說可以上去了,經紀,我和一對兒女咁就去人地個單位度睇樓。

 
門鈴響了,業主開門,一入到屋,裝修企理,那間屋真的很新淨,但真的是很久沒有人居住,難免有一陣欠缺人氣的咪(不知用什麼形容詞去形容,我諗你們明的.)但業主的媽媽已立即裝了香芬機,感覺上已經好些。但入屋後,跑得最快的不是我,不是經紀,是我的兒子和女兒,因入面有很多高達 和 hello kitty,小朋友就是最真的,我連忙喝止,但他們已亳不客氣地在玩具,令到我很不好意思。

 
兩公婆說不要緊,不要緊,但我一定極力阻止,兩小朋友,大的還可以,小的以經淚流滿面,喊著要找媽媽,大件事,怎樣也勤不到,別說要看樓,交談也不可以了。呢種情形唯一可以止喊的就只有 hello kitty,女業主 把他至愛的 hello kitty 公仔交給他,快過打針,不喊了,還和 女業主玩得甚開心,我這時才能入定慢慢看樓。

 

單位 真的是開揚的,年長的老人家還說,廚房的水龍頭要換了,因有少少漏水,廁所的馬桶水力不夠,若免郤日後的麻煩,叫我都係換了比較好,還有其中一間房的泠氣不甚夠涷,最好都是換,個單位上一手是地板,他接手換回磚,但有一塊老人家不少手整裂了,他說有士碑磚在 灶底,你要換可以找人換。

 
呢個老人家真係好好人,把單位所有的不好全部說了,怎會有這樣怪的人.他說他信彿的,不想自己不安。

 
我見他電視櫃上除了有彿的書籍外,還有一本 叫 黃帝內經的書,我問老人家你喜歡歷史嗎,是否在看歷年皇帝的大事,老人家不是,黃帝內經不是歷史書,是醫書,除了講中醫外,還講及養生之道,我見我年紀不大,當年還未到四十,但已經滿頭白髮,是腎經不通,要多做點按經脈或針炙,會比較好些,當時他還說了很多,但我當時對中醫完全沒有接觸,不明及不記得他說什麼,但已經令我引起莫大興趣。

 
當時還問了很多現在想起很無知的問題,但老人家還細心慢慢解答,不停引書講解,現場環境根本不是在看樓,但突然問醒起,現場不只我一個,還有我的寶貝仔女呢,小的在玩 hello kitty,大的和男業主 在玩高達,而且男的 畫畫很靚,在教的兒子 怎樣畫高達,現場最痛苦的是經紀,又不好意思打斷我們,但又不知做什麼好。

 
突然間,經紀的手提 響起,把所有離題 的事全部 醒覺,我問老人家,你的單位想多少錢放售.老人家 這不是他的主意,要問兩個後生,.後生的很 nice,難得我們一家和你一家有緣,不若來一個較吉利 的買賣價數字 好嗎。

 
我一番思考,就用此吉利的數字成交(價錢不開估了,總之是 在 2,000,000至 2,500,000間的吉利數字)簽完臨約後和交妥支票後,業主堅持要送禮物給我們一家。
我的是黃帝內經醫書,兒子的是高達,女兒是 HELLO KITTY 公仔 。

 
我買此屋真的是現況交收,到收樓時男主人把原屋的高達送給我兒子,女主人很多 HELLO KITTY 給我的女兒.我太太都有禮物,就是全廚房很多未用過的家俱,有焗盤,熱水壼等。再說多一點緣,現在我若有空 ,每逢星期三晚我都會到寶康公園和呢位老人家,他在教我耍太極。

周顯: 我的揀股秘密

多年前網上看武俠小說，只知有周顯作品集，看了小段便看不下去，未識周顯其人。蒙湯財推薦，看過周顯寫的大破價值投資法一段，精采絕倫。特意住書局找其書一看，只找到周顯發達指南及炒股密碼。

 

發達指南的書度，封面整體的設計，都跟當時剛出版的米芝蓮指南港版相似。全書字體較小，但分頁則跟一段大學生寫論文一樣，務多為尚，故不時整頁只得一小段文字。炒股密碼則字大行疏，每頁保守估計最多四百字，全書則薄如半本亦舒小說，應用小冊子形容較為適合。兩書分段必隔雙行，紙質則如大陸圖書，售價港幣$88(可能記錯)。以上種種，實在太過”搵苯”，犯本廢柴買書要”大件夾抵食”的原則，故沒有細閱就棄之如敝屐。

 

某日路經商務，發現新版”大破價值投資法”，曰”周顯，我的揀股秘密”。封面一如以往，以奇怪為已任，一翻內頁，亦是草紙紙質。可能是增訂版，字體好像小了，每版應該有八百字，厚度亦可以。由於要消磨半小時，唯有研究一番。一看之下，甚喜周先生的行文風格。自稱廢柴，(故意)自吹自擂，市井的比喻，與各有錢佬及老千交往的故事等等，都深得我心，可能是唯一令我笑出聲的財經類書籍。

 

周先生以小說家之手寫股場之事，令人不忍釋卷。當下即想付錢回家細閱，唯一問題是售價$88，雖好”意頭”，但對本廢柴赤貧之士仍甚昂貴，故數天後特往開益書店以折扣價買入，連周顯發達指南，共破財150大元，甚為心痛。

 

(當然，有利必有弊，本廢柴以讀小說的心態一小時閱畢整書，心曠神怡，但腦中空白一片，只記得”幾好笑”，周顯買金匡，買鷹馳，買奧瑪仕(中咁多次都未發達)等等。故有此篇文章以逼自己做筆記。)

 

以下”我的揀股秘密”的筆記只取該書的中心思想，但絕對取不到該書的行文精髓。

 

(後記：DLM，打字打左我幾日，湯財兄點解可以日日有野出呢。)

 

朝陽工業與夕陽工業

 

投資夕陽工業，並非不能賺錢，但不如投進其他股票賺得多。

 

朝陽工業，必然帶來泡沬，新公司多如雨後春荀，管理者固然有出類拔萃之輩，然而根基未厚，是否能突圍而出亦看天命造化。投資者買朝陽工業的股票，如買六合彩，不如等有二三十實力者脫穎而出才追入。

(柴按：此處與眾多大師暗合。西格爾的投資者的未來則有投資股息高的夕陽工業有更佳的投資回報的理論)

 

論識人及用人

 

成功公司的掌舵人，要有中學程度的閱讀能力，精通四則運算及心算。會計知識令眼光狹隘，毫無作用。雖然如此，亦不代表學歷毫無作用。一般而言，成功者必需有紀律，讀書亦然。讀書不成，有”沒有紀律”的風險。買這樣的老闆的股票，都要冒上這個可以避免的風險。

 

對創業者而言，從小公司做起比從大公司做起好。要成功必須要多試多錯，故年青時創業比年長時創業好，二十多歲已是做生意最後的學習期。從低做起，不屈不撓，廣交朋友，有視野及誠信，為成功的必要條件。做生意猶如打爛仔交，一般二世祖一生太過順利，往往不如從無到有的冒起者有狠勁。

 

用人者，以市價請人，用公司文化及經營者的感染力令員工全力以赴。公司要控制薪酬支出，但壯大後便有必要以高薪請一流人才。以大家樂為例，除家族管理層外只得一人收入超過一百萬，難有一流人才。大家樂已壟斷本地市場，要再發展，缺乏人才，難以成事。

 

假帳攻略

 

用十億營業額做假，比用三億做假，成本遠高得多，故做假帳者邊際利潤必定驚人。高明的造假帳者是永遠不會被發覺的，因為出事前便已成功在市場集資去抺乾造出來的假帳。

 

公司不會無故做假帳，做大利潤會給稅局追稅，故必先有更高利潤在背後。因此假帳必然伴隨財技活動，通常爆發原因為線人舉報，或虛假盈利再也守不住。(柴按，所以1076同572海嘯後資金成本高所以爆，但點解1175海嘯完晒先黎料呢，明知山有虎，偏向虎山行，結果當然俾隻虎咬屎。)

 

除專業老千外，做假帳者，起初可能是某年業績不佳，對老闆面子及荷包大大不利，故做三分假帳粉飾業績，支撐股價。世事往往禍不單行，下一年業績通常更差，下年續虧，唯有做五分假帳，由三分到五分到十分，泥足深陷，恨錯難返，再也不能由假變真。

(柴按：建議閱讀本廢柴對1076及572的研究)

 

贏大錢的方法

 

高槓桿公司有危有機，往往有”跳樓價”，讓投資者贏大錢。瀕臨倒閉的公司，如果too big to fail，亦有此效。最危險的公司，反彈時必然最強勁。

 

贏大錢的訣竅是在股票轉折位中購入：

1. 優質公司一時現金周轉不靈。

2. 它由蝕變賺。

3. 轉型。

4. 市況逆轉

5. 盈利爆升。

6. 大圍改變突然變得有利其業務。

7. 轉換了更能幹的管理層。

…等等。

 

長期而言，難有一行業或公司的利潤長期高出其他行業。高邊際利潤的公司往往過度發展，拖垮利潤，故不一定是好的投資對像。

 

企業經營者雖然比散戶有更佳的條件去預測企業的業績，但面對無數未知的未來，根本沒法準確預測未來的盈利或現金流，故分析員的所謂預測只是狗屁。雖然如此，我們仍有可能預測一個行業的未來及其管理優劣。

 

要找出一間快速增長的公司，唯一的方法是找出一門快速增長的行業，然後再談管理。所謂管理，必需不斷革命，制度不能僵化，隨時準備賺最多的錢。如公司分心在其他方面，例如蓋公司大樓等等，即表示公司的重點從賺錢偏離，縱不衰亡，亦難再上層樓。除非公司有獨家的專營權，否則沒有上軌道這回事，將整家公司交與所謂專業人仕管理亦難有好結果。

 

企業第二代或第三代，由於一生從來衣食無憂，故人生重點為保本及防止被騙，沒有創新及冒險的精神，守業尚可，不幸者則血本無歸。

 

公司的決勝因素是人，而非制度。買股票者，其實是買老闆的眼光，能力及決心。

 

上市的好壞

 

上市得到的好處就是市場集資能力及老闆套現的渠道。但上市需要成本，律師，會計師，投資銀行等，以千萬計。維持上市地位，亦要每年百萬之數。很多時，公司的利潤甚至少於維持上市的成本，自然不上市比上市更好。

 

上市之後，股民預計公司利潤不停增長，一旦幻想破滅，股價往往跌幅驚人。市場飽和，老闆唯有離開其熟悉的行業及環境，四處征戰，被逼”升呢”。”升呢”成功，萬中無一。升呢最快者，收購合併是也，結果必然是死路一條。當然，市場是很愚笨的，當聽到公司收購合併的消息時往往大升特升，我們亦應大買特買，但買時得心中雪亮，這是因應市場的愚笨的短炒。

 

某些公司年年蝕錢，付出的維持上市地位的成本血本無歸，唯有在牛三大炒特炒，甚至”出老千”，騙小股民的錢，收回本利。只要看通佈局，某時候抄最垃圾的股票比買大藍籌更有把握賺錢，就是此道理。

 

股票的價值

 

物件的價值可分為表面價值及法律價值。表面價值者，即(可吃的)食物，(可喝的)美酒等，放於股票，即拿著一張股票能做的事，為零。股票只是一張廢紙，甚至比廢紙不如。

 

股票的法律價值，即投票權，理論上擁有的公司的權益，其實亦聊勝於無。

 

公司的管理者掌控公司一切，散戶只是散兵遊勇。管理者想要巧取豪奪散戶的權益，易如反掌，即使大袋如球王簡志堅亦如是。

 

要打開心結，只要能在買賣的過程賺錢，誰管股票真正值多少錢？以為股票有真實的價值，吃虧的只會是自已。

 

大破價值投資法

 

所謂價值投資有二。一為真正得葛拉漢及巴菲特心法，另一為只看表面皮毛的狗屁。真正的價值投資包含高深財技，要看簡單分析請受昆買”炒股密碼”。以狗屁價值投資去買股票，則可能遇上”向下炒”大破價值投資法。

 

所謂向下炒者，即公司擁有者出售手上的股票，再將股價壓低，低價補回。向下炒有兩種，一種為公司有資產的炒法，一種為空殼的炒法，招式各異，但目標相同：搶光小股東的錢。

 

向下炒之始，在於狗屁價值投資者堅信某股股票低於其價值(柴按：可以體現為NAV或任何其他狗屁指標)，蜂擁去買”平貨”。大股東當然大力支持，要錢不要貨，低價賣其手上持股予狗屁價值投資者，愈賣愈平，價值投資者覺得股票愈來愈抵，當然死命買入，到最後股價大跌，非常抵買，大股東能沽的股票亦沽得七七八八，再沽控制權也將失去。

 

沽壓消失，應該回升吧？絕招終於出現，大股東可以批出新股給自己友，補回自己高價沽出的股票。狗屁價值投資者再買低價進貨？沒問題，要多少，他賣多少，賣到不能再賣，再批股，股票印刷為零，無限供應。

 

不批新股，老闆亦可供股。不供，馬上出局。供，不要緊，多供幾次，終有一天會彈盡糧絕。大股東最終拿回八九成股票，又可以再來一次。

 

批股供股贏得太慢，可以私有化。當公司有大量資產，先打殘股價，再用高一點的價錢，買回小股東手上的股票，就當施捨給小股東。(柴按：等如搶了你銀包，再留二十元你坐車回家。私有化完畢，賣出值錢資產，再注入不值錢資產，幾年後牛三再上市，又大敲一筆。)

 

故此，就是大牛市，這些”抵買”的股票還多的是，就是因為向下炒的緣固。(柴按：周先知完全忘記談論炒空殼的炒法)

 

論股息

 

股息比股票的市價，不成氣候。周先知看不起股息，主要是股息不可預測，蝕錢不派，賺少了亦可能不派，大氣候不好亦可能不派。相比其他投資，回報是最低的。

 

由於管理層有無數方法挪用公司資產，公司派股息的唯一原因是因為派比不派有利。如果不派股息，股民不開心，基金不高興，股價會大跌，大股東財富會大減，打工的管理層會丟掉工作，兩害取其輕，唯有派息。

 

對管理層而言，賣出股票，收回現金。派發股息則是借貸成本，亦是一高明的做生意手法。

 

對仙股而言，派息絕對是壞事。公司市值少，竟然要派息，找不到投資機會。要炒高股價，寧願用消息來炒。用派息這一招，以圖搞好形象，代表莊家江郎才盡，等於該股已沒有幻想。買仙股就是買幻想，既然已沒幻想，唯有沽之一快！

 

論資產價值

 

上市公司不時有垃圾資產。所謂垃圾，包括所有一個正常香港人不能輕易變成現金的，機器，存貨等等。本廢柴拿著垃圾股票，總可不問價沽出。上市公司拿著垃圾股票，必有(不正當的)理由。雖然起初可能有利，但結果必定變成廢紙。

 

所謂資產凈值，理論上是資產減負債，但實非如此。如兩公司，一有五億現金，五億負債，另一為現金及負債同為零，兩者NAV皆為零。古惑老闆眼中，第一間公司有價值得多。五億負債不用即時償還，老闆可以用財技將現金先偷出來，到要還債的時候，再放回帳戶，或印股票還債，或任由其破產亦可。

 

記著，上市公司的資產，只是虛幻，不會變成你手上的現金。股評家計算NAV，代表這些人不懂股票。然而，有資產還是比沒有好，當資產折讓到七成以後，股票的下跌空間就有限。偷錢太煩，又有可能東窗事發，唯有私有化一途既快又合法。資產愈厚，偷錢愈難，老闆身嬌肉貴，私有化才為上策。大市值的公司，才有博私有化的價值，小市值的公司則難矣。

 

資金流向決定一切

 

所謂牛市熊市，就是資金流向的分別。貨金流入就升，流出就跌，就是這麼簡單。要在市場賺錢，分析資金流向遠比分析股票重要。要掌握資金流向，先要找出概念股。概念股者，有多種分類方法。

 

第一種分法以盈利去分：實在及擁有現在的盈利，例如97年的紅籌國企潮。虛無和只有未來的，例如二千年的科網潮。

 

第二種分法以時間值去分：過去及現在式，例如2007年的上市多年的資源股。未來式 – 即轉型者，如蒙古能源，中國鐵路貨運等等。

 

(柴按：唔知兩種方法有咩分別)

 

要買概念股，就是要以小博大，主力應在未來式的轉型股票。你不可能成為先行者，因為需要內幕消息，但如足夠小心，有可能成為第一批跟風者，雖然那時股價可能己升一倍，但還是可以有一百幾十倍的利潤。（柴按：如０７年的懞撚，第一日２毛升至５毛，第二日５毛升至１元，但最後高位為２０元）

 

由於成本的原因，愈垃圾的股，炒上的誘因愈大。如果公司年年賺錢，何必火中取栗。賺錢的公司一定比垃圾股好，但大牛市時垃圾股的投資價值較強。賺錢公司不一定是好股票。垃圾股一定是壞股票，但偶然有好的時候，而且好到你唔信，但好的時候不會太長就是！

 

資金流向的計算變數只有兩個：一是錢，一是乾(即貨源歸邊)。所謂錢，是指股票的demand。乾，指的是股票的supply，即流通量。 錢受大氣候影響，難以控制，往往要靠對某種概念股的熱潮帶動，公司則可以轉型為該熱潮的業務。乾可以定義為大股東及友好手上的持股，愈多即愈乾。愈乾，打上的成本愈低，股值上升對大股東亦愈有利。

 

要計乾度，可以從港交所的中央結算持股著手(柴按：即本廢柴荒廢了的中央結算持股統計，看大股東持股，十大持股中介人，不在中央結算的股數等等）。

 

另外，輸得太多的人，長線投資者，對股價有短線幻想的人(如炒業績者)等等，不會輕易沽出股票，亦增加股票的乾度。股票愈乾，打上愈易。（柴按：長線投資者更抱牢不放，加注買入，所以基金股往往容易打上就是這個原因。）

 

除中央結算外，散戶亦可以收取市場資訊(收風)，只要百條流料有一條堅料，就受用不盡。(柴按：前提是要有分別流料的能力)散戶當然亦可通過觀察盤路來計算留通量，一般而言，流通量大，成交就多，但莊家盤等變數甚多，要細心觀察才能推敲出答案。(柴按：最重要的當然不會提)

 

捕捉資金流向，有著許多方向。一種是捕捉流向整個市場的資金，另一種是捕捉流向某種股票的資金，(柴按：在本廢柴而言，即是找出熱潮)再計算市場流通量，就能推算大約的股價。所謂多算勝，炒股就是炒資訊，將所有能搜資訊都搜來，再加以分析，就能百戰不殆。

Outliers – 成功者的天時地利人和 (之三)

10,000 hours rules 及世代不公平

 

要成為大師，除天份外必須在所屬領域上鑽研最少10,000小時。當然，那100小時要用在合適的時機。據Gladwell所言，世界歷史上最富有的人很多在1830年代出生，原因為美國工業革命。現代電腦軟件業的翹楚多在1950年代出生，原因為punch card電腦到terminal電腦的帶來的編程技術突破，以及一連串的機遇。Skadden Arps(美國law firm)的壯大是時勢所逼，因為其被逼專注的雞肋業務突然變成市場主流。

 

即使你有Bill Gates的天賦與努力，但早生或遲生十年，在軟件業發展亦不可能達到他的高度。如果你現在想在香港發展房地產，永遠不會成為下一間長實及新鴻基，因為資本及土地供應已被控制。我們恥笑曹仁超的煲東瓜”精子剛上處”(我想信曹生以英文發言可能同樣惹笑)，覺得以前投資者日記時常左抄右抄，有時又神經錯亂毫無立場。我們自信最少比當年的曹仁超懂得多，但我們永遠不能像曹生中學畢業從一無所有靠做經紀及炒股在70年代初有五十萬身家，因為我們沒有趕上恆指升幾百倍的狂潮。

 

如果你執意在某一行業發展，但時機不對，即使如何努力，亦事倍功半，此所謂世代不公平。

 

放諸社會，上一代香港人所謂獅子山下，排除萬難，實際是街市賣菜，街邊賣雲吞麵，開貨車，開的士，做建築工，只要肯努力，尚可以一已勞力脫貧，甚至有幾層洋樓。現今社會低等勞動力過剩，中學畢業根本毫無競爭力，快餐店時薪二十元，根本不夠糊口。想再進修，又一窮二白。進修完畢，又要與剛畢業的大學生競爭，人家薪低又年輕，老屎忽又死活不退，再有十三億膽正命平的同胞與你競爭，工資向發展中地區靠攏。這就是世代不公平。

 

你以為自己已經非常慘，如果你脫貧無望，下一代一定比你更慘。現今社會技術要求愈來愈高，兩文三語，文武皆能，有國際視野是基本要求。隨非整個教育體制改變，Matthew Effects將會愈來愈大，還有十三億中國新中產的孩子作競爭者，想要脫貧，比你更難。

Outliers – 成功者的天時地利人和 (之二)

Concerted Cultivation and Practical Intelligence

 

Concerted Cultivation 即悉心裁培的育兒方式。父母培養孩子語言，音樂，運動等各技能，推動孩子發展所長。Concerted cultivation 的極端例子在現實生活是以孩子一天上N個興趣班的形式出現，但現在有更多的父母以人有我有的心態去讓孩子參加各種的playgroup及興趣班。

 

Concerted Cultivation 的重點其實不是八級鋼琴，四式飛魚，一級榮譽等結果。最重要的是讓孩子在過程中建立自信，溝通及社交技巧，勇於對各種人(包括父母，醫生或其他權威性人物)表達自己的想法，說服別人，爭取所想。以上種種，可以歸納為Practical Intelligence。(當然香港的現實相反，文憑重於一切。)

 

現實生活中practical intelligence往往比真材實料更重要。我們有時發覺上司”唔識野”，”吹水”，但客戶往往覺得上司所言甚為有理，作為下屬則覺得”唔識就嚇死，識就笑死”。上司實務能力欠佳可能是事實，但其practical intelligence則多數比我們好。

 

IQ高，專業資格等等只是進入某行業的入場卷。你專業試全球第一又如何？你身旁的”世界仔”考試可能僅僅及格，但每年升級，只因為他practical intelligence比你好。

 

IQ高但無practical intelligence，或懷才不遇，須伯樂扶持。IQ一般但有practical intelligence，生活無憂。IQ高兼有practical intelligence，人中之龍。

 

父母替孩子選擇活動時，應以發展practical intelligence為重心，不一定要事事人有我有，要求孩子十項全能，取得入好的學校的入場卷已經足夠。經濟條件差的父母唯有在日常生活中亦有機會可發展practical intelligence，希望將Matthew effects的不利影響減到最少。

Outliers – 成功者的天時地利人和 (之一)

本書重點，要成功，努力是必要條件，天時地利人和亦非常重要。

 

Matthew Effects

 

Matthew Effects出自聖經，指貧者愈貧，富者愈富的社會現像。富者能以本身的權力及財富爭取更多權力及財富，貧者無此條件，兩者的差距隨時間擴大。如一個人在某方面取得優勢，就能用此優勢得到更多的機會及進步，擴大優勢，進入良性循環。

 

以加拿大冰球運動員為例，在各級聯賽隊員1月至3月的比例較高。原因如下：

 

小兒時期，年齡的差別對體格及力量的重大影響。1月份出生的小孩，比同齡十二月出生的小孩強壯，年紀愈少，差距愈大。故此，年初出生的小孩在分齡的球隊有較大機會成為正選隊員接受精英訓練，技術提升較快，成為進入其他各級球隊的資本。由於不斷接受精英訓練，最初的可能微少的體格差距變成各方面的顯著差距。

 

放諸香港，如果孩子出生在年末，整個幼兒以至小學時期，在各方面的表現很可能會不及較早出生的小孩，得到的機會亦因此較少(幼稚園扮樹或主角之差，成為小學足球隊，田徑隊等等)，易令孩子感覺一無是處，事事唯唯諾諾，甚至受人欺侮，結果終身無成。

 

亦有其他的普及經濟學書籍提及：身高較高的人，往往成就較佳。究其原因，重點原來在於小時候的身高。小時候身高較高，易為孩子間的領袖，培養出色領導才能。即使身高日後被其他孩子趕過，從小培養的領導才能仍令孩子成為人中之龍。

 

要敗為勝，不如讓孩子遲一年入學，進入良性循環。總好過各方惡補，事倍功半。

fai神教晦 (From Inv168 - Rookie哥, 版權 - fai 神)

投資心態篇

股票輸贏取決於性格!!
~~~~~~~~~~~~~~~~~~~~~~~~~~~~~~~~~~~~~~~~~~
fai 發表於 2001-12-20.06:01:09

 
這個絕對係事實,因有些人一開始玩股票已一路賺錢(好少) 原因不是佢叻,只係性格適合玩股票, 但有90%既人都係輸錢的,原因都係性格, 舉幾個我見到既例子

一:不肯止蝕原因,某某c奶買得高過我,我洗咩驚呀!!
二:買入創新高股票會訓吾著,周身吾自然,認為幫人出貨,仲會刻意去比較過往低位,認為會跌番落去,所以賺兩格就會馬上走
三:買入創新低股,就好安心,會刻意睇以往高位,認為升番高位一半就發, 愈跌愈不走,大把人陪洗咩走,
四:認定隻股會在過往高低位已運行,我曾在pru時比321,當時321做1.2 有個朋友話fai哥又冇搞錯,隻股52週高位都係1.35,邊有水位呀!! 吾知這位朋友現在會否有進步呢!!
五:主觀願望--要隻股票,大市就佢,明知開市會高開就排低幾格買貨, 如果自己有貨就識得排高多格出貨,相反明知大跌(美國跌300) 都要掛高些出,博反彈就識排低10格,其實都係一種不尊重市場表現,
六:試圖估底部或頂部,都係一種不尊重市場表現
 

如果你係上述既性格馬上改善, 有些人一開始已同上述性格相反所以一路都賺錢, 我就當然不是一開始就係咁,都係交好多學費先慢慢改變, 不過你地好彩有我用了咁多學費得出來經驗同你地講,

 

不要估頂部,不要估底部!!!
~~~~~~~~~~~~~~~~~~~~~~~~~~~~~~~~~~~~~~~~
fai 發表於 2002-05-04.17:37:54
近日大市大升,好多朋友都走佢估大市幾時見頂!!

 

做法係錯既!!!應該跟市場做!!!你還記得我說過要【要尊重市場】

 

我一向都係炒股不炒市,大市下跌時反而更易找到d好股買!!自己會更突出, 相反大市好好,咩股都升,對我來說不是好好玩!!因無咩難度!!!一d都突出不到我同人不同之處,有些人例如88元沽了匯豐,佢一定要跌番88以下先買,終有一日比他87元買到,之後又大跌,反而你去認同個市場90元買番,咁咪有得賺下囉!!!

 

講番大市!!d大戶騎虎難下,在11000樓下搵不到對手接貨,明知d貨係貴到冇影,冇計啦!!無人接,唯有焗齊上,鬼叫港股市值少!!賺下期指都好呀!!!早前出了幾百隻輪又可以散下貨!!!至於會夾到幾多,真係好難講,愈升得快,代表個樣野(大市)愈垃圾,因最好既野,大戶不會入得咁快,你幾時見179未做籃籌前一日升幾成呀!!!國企,科投股你就見得多,但最後個d股會點.......現在當然不宜沽空,更加要【與莊共舞】,等有沽出訊號時先沽貨!!!!

  
個便股票都係不估底或頂,一切都等訊號,例如隻130我就不會估頂, 一直持有到佢跌穿10日線先啦!!!有些股一直下跌又不會某某然買入, 要等個圖做了個底部先留意,再等埋突破訊號一出就買入,所以我永遠都不會最低位入貨或最高位出貨,你估我不想咁做咩!!而我知自己不是神,又不是絕世好運過人,所以永遠都不會咁做!!!不過有好多散戶好陶醉一次半次最低位買,最高位沽,就時常估底估頂!!!!最後結果一定不會好,,普通例子575,我不是最低買0.12,而係0.17買,都能賺錢, 如你去估底,隻股由幾元跌落佢,可能你1元已買入,或0.8,0.7,0.5,0.3, 885我由不是最高位沽,已係3元沽!!因跌穿哂平均線了!!

 

睇完(陳國強)訪問後,我好開心!!

~~~~~~~~~~~~~~~~~~~~~~~~~~~~~~~~~~~~~~~~~~
fai 發表於 2001-04-12.06:17:16

原來自己一向投資心態係同佢一樣的,他昨晚講了幾點大家值得留意:
第一:邊有次次賺既,有輸有贏,我輸個d你不知的,
第二:不要今日買1元,希望明日變幾元,
第三:投資心態不是望發達,只係想跑贏通脹或存款利率就可以,

 
昨日這三點,其實睇我既人都知我會時常有提到的,例如他第一點,隻股吾得就要止蝕,冇人可以次次賺的,講真李嘉誠投資既2,3線股,到最後十隻都蝕了9隻,(不過佢擋買玩具)大家不妨照照鏡,憑什麼贏錢!!

 
他的第二點,散戶太過急,上午買入就希望下午賺,好似203咁,我講明2003年見頂,但現在日日都有人問我現價點睇呀!!點解吾升呀!!321都係,pru在1.19提供,比完後幾日跌落1.18已比人鬧,大佬洗咩咁急!!有莊家部署一隻股幾年都有,我都時常講,

 
他的第三點,我近日都叫大家現今最好投資就係存款,因現在係通宿,邊有蝕底呢!!

 

約十年前玩股票的教訓
~~~~~~~~~~~~~~~~~~~~~~~~~~~~~~~~~~~~~~~~~~
fai 發表於 2001-10-18.20:07:35

我最初玩股都係心胸狹窄,記得約10年前買入一隻建築新股1.3幾買入20k, 兩三日後在1.7幾出,賺了幾千元,當時好開心,之後隻股升到1.8幾見頂回落, 趺足幾個月由1.8...1.5.....1.3....1......0.8我都未入番,直至跌落0.44 當時就諗係時候了入了200k,再過3個月後我在0.17出,這次教訓真係好大, 不過就好好用,另我一世記住股票係什麼回事,其實跌落0.44時都未有任何買入訊號,(當時不會睇圖) 只係一相情願以為平,又不識做止蝕,現在想番都好傻,不過我會立即想下自己錯係邊, 點解會輸,咁以後就不會範同樣既錯,(由最初1.3幾買入,到第二次0.17出過程只係一年) 約5年前相信報紙買入190態谷組,同一時間睇中隻767合板, 我就將約全部錢在7.6買入190,當時767只做1.3, 半年後190在7.65放出,767升到上5元我範了個大錯,其實買入190之後一直都牛皮,相反767就一路強勢, 好應該轉馬,另可買貴些767(約2元)就係心胸狹窄已錯失機會, 不過又學到野,我都講過如果同一時間買入兩隻股一隻升一隻跌, 我會立即放隻蝕買埋落隻升到,在咁多年之後發覺不一定次次對, 不過長期係十分有利,約8勝,2負比例, 如果不是有10年前經驗,我點識教大家8號仔見頂後,我曾說過{不是26元輸最多,己係10....8...6....4}記得這番話嗎!!

 
大多數人既心理(毛病)

~~~~~~~~~~~~~~~~~~~~~~~~~~~~~~~~~~~~~~~~~~
fai 會員編號 286 2000/4/30 PM 06:34:49 參與討論

 
就係吾肯止蝕,例如:一元買入後,跌落0.9時,就望平手出, 再趺落0.8時會後悔點解0.9時吾出,如止類推....

 
我想強調(止蝕)吾一定對,好多時止蝕後馬上升番,但這個不重要,最重要係:有成千隻股票(計埋認股證),我地一定會買中D衰股,除非你淨係買2,5,13,6等,所以買入股票之前,不是諗賺幾多先,而係自己可以承受幾多風險,所以止蝕位真係好重要,不要比自己身處(吾知點算既地步)如跌了5成或以上,所以跌一成至兩成就要(做野),因再跌就(吾知點算)比什麼專家都係一樣,

 

炒股技術篇

關於對股票觸覺問題

~~~~~~~~~~~~~~~~~~~~~~~~~~~~~~~~~~~~~~~~~~

fai 會員編號 286 2000/3/12 AM 08:19:18 參與討論

我炒股票都分幾種,好似近日隻281,718咁,我係見到成交有異動,才上車,我先前係冇諗過會買,

第二種係1118,403,1184,451,1050,....分析隻股極度偏低,圖表形態好靚(橫行?鬙b年以上),我會進行中長期既收集,

至於最後一種係{收料}當然不是普通人都知個種,例如85,571,635,715,.......三種之中最安全既係笫二種,

不過對於一般散戶來說,第三種根本無可能收到,(係我至會比出來),至於1&2你地係可以做到的,強化自己d股票知識,如圖表分析,基本分析,好似隻718咁我相信極少人知佢同隻1205係有關係,我咪快人一步買入,半日賬面已獲利兩成,這樣就係基本分析做得好,(不是自大)

 

你想捕捉下一隻321,203嗎????
~~~~~~~~~~~~~~~~~~~~~~~~~~~~~~~~~~~~~~~~~~
fai 發表於 2001-05-11.18:07:02

 
這兩股大家賺不到錢不重要,最重要就係知道整個過程走勢,咁你下一次你都捉到!!

 
321今日股價正式高過8號仔,一年半前1186做26元,321做0.8,我好幸運兩隻股票走勢我完全對哂,大膽分析,小心假設,股票市場冇野係冇可能的,321我現在穿3大膽分析5年做籃籌,目標15-30元,

 

當年992升30倍,我雖然一分都賺不到,但我識得從992整個過程吸收經驗,做了好多功課點解一隻股會升咁多,要有什麼條件呢!!我一一記載出來,咁就搵到今個浪既203!!其實大家好著數,我搵203用了幾個月時間先搵到一隻符合所有條件的,其實大戶,基金一樣係人,你絕對可以快他們一步簡中,你還記得321在0.8-1.2時的走勢同成交嗎!!!其實現在都有好多股都係咁,只要你比心機搵就得,搵到後仲有大膽買入,不要因為隻股靜已怕了,你睇我907都敢買300k(1.17)就知,

 

RSI作買賣指標
~~~~~~~~~~~~~~~~~~~~~~~~~~~~~~~~~~~~~~~~~~
fai 發表於 2001-12-19.09:03:13

 
我知道有些人對RSI作指標,認為超過80就超買,就一定不會買入,低過20就超賣就可以博反彈,其實都係對的,因有指標仲好過冇指標,但係我知道有些人太過深信,差不多批死隻股冇得升(RSI85時),有人推介這些股仲鬧人靠害添,我睇到都覺得幼稚,無知, 咁我就留意這股表現,點知在兩星期再升30%,鬧人個位收了聲, 我曾經都開個TOPIC話988當年14天RSI可以長企90以上達一年多,仲好多時達98-100 原因大家都知隻股連續14日都係上升, 我又見過好多股一年多都升不破30,難道有可以買, 所以大家都不要執迷一種指標係一定得,好多時都有例外,更加不要胡亂鬧人,

 

收權期金
~~~~~~~~~~~~~~~~~~~~~~~~~~~~~~~~~~~~~~~~~~
fai 發表於 2001-04-20.20:43:32

 
你還記得我在3月初做既941沽CALL嗎!!

 

我當時做了40,42元沽出認購權期4,5,6月都有做,當時941同現在差不多價,我當日收4月份40元同42元的期權金,約2.3元同1.5元(4月份),個多月後既今日941冇變,但4月份既40-42元認購價已跌到0.41-0.12,我現在平倉都不洗,仲有5個交易日,我相信都冇人會拿個權比40-42元同我換股,你話我係咪做緊大戶既野呢!!收權期金真係好著數,只係用時間來賺錢,不過我仲有5-6月份未話贏實,但都好有信心,你還記得兩個月前16號嗎,當佢升到89元時你都代我擔心,但最後都係有驚冇險,因16邊有可能長企80元以上,玩期權最重要都係眼光,但係如果你做收期權者,已賺了75%(最後計),相反你買入期權或買入認股証就輸了90%(最後計)你可以睇下市面認股証或認沽証,到最後都要變廢紙,你們可以睇番5號仔2132(CALL),2007(PUT),一個月前係咩價,現在又咩價,兩者都變廢紙,希望大家同我一樣不要買認股証,已成功一半了,

 

評論跌破後反彈

~~~~~~~~~~~~~~~~~~~~~~~~~~~~~~~~~~~~

睇番513個圖真係好靚,在這7-8年內首次連續5個交易日都超過有2.M股成交,明顯異動,無論日線圖,周線圖,月線圖,都企穩哂各條平均線之上,近兩日大跌市513都不受影響,小弟又避開今次跌市,不過不是幸運,已係睇圖表做野,好似隻715在0.98幾個底,一跌穿執到錢都吾入,睇圖既人一定吾會輸這樣既錢,再一次長氣講,股票跌破位後,其間既反彈只係引你吾好沽,請緊記,可以另你一世受用

 

黃金交叉,死亡交叉,的啟示

~~~~~~~~~~~~~~~~~~~~~~~~~~~~~~~~~~~~~~~~~~
fai 會員編號 286 2000/7/22 AM 06:35:41 參與討論

我在四月份推介1171當時1.25出現黃金交叉,50日線承托10日線至現在,股價已升一倍,當時我都有提及50日時可承托隻股幾個月,其實隻股在99年9月出現死亡交叉,當時2.7一跌穿就反覆下跌至2000年4月足足7個月,跌到1.03,但都不是買入訊號,因未出現黃金交叉,出現後買入,確認轉勢,持有得好放心,又知道止蝕位係邊,

仲有個實例1137城市電訊,99年4月出現黃金交叉(0.25)之後一值上升9.3,其間從未趺穿50日線,如果用升破買入,跌破至沽出,要到2000年1月當時股價趺破50日線6.45出現死亡交叉,9個月內賺30倍,最重要係1137反覆下跌半年至現在1.18,條50日線係1.5幾,未有見底跡象,

講左咁耐,係想話比大家聽,這樣簡單利用平均線做買賣,就可以避開d冇謂買賣,好似1137咁,話知佢趺到幾多,一日未出現黃金交叉,一日執到錢都吾買,

 

股少成交不代表吾好,只係個價太低,冇人願意出貨已而 - 評907高雅現價不合理
~~~~~~~~~~~~~~~~~~~~~~~~~~~~~~~~~~~~~~~~~~
fai 發表於 2001-05-21.20:52:44

所以現在日日買盤都會托高少少,等佢去番合理價至會交頭暢旺, 好似隻298咁,未升前在0.17日日只有入盤冇沽盤,吾係這隻股冇貨,你試下升到0.5我包有過億股掉出來,907一樣,如果升到2元,我包有2000萬股成交, 講到這處,其實想話比大家聽,一隻股少成交不代表吾好,只係個價太低,冇人願意出貨已而, 567都係咁,近日只有入盤冇出盤,隻股在0.17已搵到底了, 如果在0.17買了都會輸,機會率少於1%

 

討論成交少既股票
~~~~~~~~~~~~~~~~~~~~~~~~~~~~~~~~~~~~~~~~~~
fai 會員編號 286 2000/6/14 AM 06:18:06 參與討論

討論成交少既股票的問題,因我本人係靠這些股搵兩餐, 成交少有幾個原因,{收集期}我相信以你資歷都應該知道一隻股票收集緊會成交少,第二:冇人原意在現價出貨,俗語說(好野緊係難買貨),第三種:真係冇人理會,如278,657,253,219,662......

好似我隻764,我平均價0.73入,我會持有3-9個月,請問以你眼光,我輸錢既機會,會有幾多?緊記我收集764時1186做20元,8001做10元,622做0.8元,603做0.9....這些就係你話成交多既好股, 我不怕同你說,隻922金科數碼,我已在0.6以下收集了好耐,間公司8月份未期業績(新上市密月期)每股盈利0.25,派息0.05(招股書已明確話會派),你認為我輸錢既機會有多少!

強調不是什麼推介,我係想你知道我係點樣搵兩餐,

 

錢係你既,冇人逼到你買

~~~~~~~~~~~~~~~~~~~~~~~~~~~~~~~~~~~~~~~~~~
fai 會員編號 286 2000/6/12 PM 05:54:33 參與討論

今日推介608,又比人鬧,都係個句,你唱隻股出來,如果係合理既,我都跟係買, 好似隻1043兩個交易日已賺20%,我買個日全日成交34萬股,但我好有信心地買其中既16萬股(0.63),佔全日成交50%, 你地一定吾夠膽咁做,點解?因為你地冇料到, 昨日比哂tips都冇人能夠估到608,實在級數差太遠, 早期入隻764,明顯做緊圓底,等緊條50日線相交,部署緊半年效應,又有幾多人能夠睇得出,

  

特登嘜低收市價,絕對有留意價值
~~~~~~~~~~~~~~~~~~~~~~~~~~~~~~~~~~~~~~~~~~
fai 發表於 2002-02-02.06:40:17

收集係嘜低,不會嘜高,原因有兩個,係吾想人留意到佢,第日希望又有平貨買, 所以我好多時會留意d專登低收既股票, 我就試過在99年尾捉到隻760日日都嘜低, 隻股當時做0.19,但收市往往可以用2000股收0.177(當時好少成交),試過幾次之後隻股一開車就升到1.06 我就賺了..... 相反只有d要散貨既股,或者散戶買了,就會自己嘜高收!!

 
你還記得764嗎!!在0.4時都係嘜低收,可以係0.35買入,0.4沽出,掃就掃0.4(可以做幾M),但通常收市都會做番10k0.35, 大戶同散戶吾同地方就係大戶在0.4買入後,不會介意收市做0.35,相反散戶在0.35買入後就想嘜0.4收現在既969都係咁,

 

好多人都吾知收市價係點計,我話比你知!!!
~~~~~~~~~~~~~~~~~~~~~~~~~~~~~~~~~~~~~~~~~~
fai 發表於 2001-05-08.18:49:18

 
好多人都知係拿最後1分鐘既5個價,再平均,其實大多數人都吾會了個意思,就連好多大戶或莊家,經紀都搞錯!!!

 
正確係:以時間作準,拿按盤價,佢個5個價係點來,59分鐘一個價,59分15分秒一個價,59分30秒一個價,59分45秒一個價,4時正一個價,共五價再平均, 不須要當時要有成交的,係用時間來取決,不是你地認為既最後五個價, 例如成交活躍既股最後1分鐘可能做50宗成交,由1.01-1.08,最後個10個價做1.08,但都不代表會收1.08,有可能收1.03添,點解因最後既1.08係在59分50秒開如做10宗,但個系統只取一個4時正的1.08,有可能隻股59分46秒前至59分正都係做1.01,所以平均都收約1.03,

 
我見好多股做價都係錯的,有些就在最後幾秒做高幾個位,點知出來收市都係個低位,佢又吾知點解,正傻仔!!!有些做了5手2000股,就以為得,真白痴!!!

 
真係要做價應該一正59分就做一手己得(成交不大股至得),只要45秒內都冇再做己成交己得,因你已取了4個按盤價了(正,15秒,30秒,45秒)最後個15秒做1億股都冇咩用,因係你己有4個按盤價!!

我想大家明白,所以例子會極端些,

 
再問真係有幾多人一早就知呢!!!(我相信好少)

 

莊家股篇

你能在764吸收到經驗嗎!!
~~~~~~~~~~~~~~~~~~~~~~~~~~~~~~~~~~~~~~~~~~
fai 發表於 2001-05-01.06:30:52

其實764莊家股,整個過程已行約一半,一開始在上市時有心人用好少成交質落好低位,然後慢慢收集,時間可以好耐,時間愈長日後升幅愈大,當收集時絕不起眼,可以冇成交, 我相信如果不是我提及過你地都未必知到有隻764添(2000年收市價0.37,今日做0.98), 仲有隻股愈升成交會愈大,初時有問我,莊家收咁多貨驚吾驚將來派吾到,又話什麼大股東批股你就死....其實好多時莊家炒上就係要為大股東批股,答案用事實証明比你睇,點可能派不到,{莊家收貸會愈收愈低,派貨會愈收愈高}764可以話比你睇到,仲有幾隻莊股我一早都睇到,1100,381,627.....你可睇番圖表1100,可以連續20個交易日都係陽燭,以我經驗係想做到不溫不火,吾想人留意它,話得吾想人留意即係未想派貨,仲有排升啦!!這些股做法我就會少量買入先,等佢有日大升約10%就會訓身追入,點解要買入,因個時估計莊家想人留意,即係派貨的音樂倚已開動,我先前都講過派貨會愈派愈高,  當隻股派完了貨既走勢會係點,因隻股既貨源已由強者手上落到弱者手,到了散戶做莊,話明係散戶做莊隻股早期會有好大波動,因散戶係最無性,受到什麼美股升跌一百幾十點已亂買人或亂沽出,同大戶做法剛相反,收集期無論其他股點升都可以吾升,突破期無論隻股出什麼不好業績都可升(764就係好例子),最後散戶做莊既貨一定會反覆下跌!!

 

莊家股插水,咪亂博反彈!!

~~~~~~~~~~~~~~~~~~~~~~~~~~~~~~~~~~~~~~~~~~
fai 發表於 2002-02-07.17:57:07

918,8186今日大跌,又會有好多人想買入,睇開我既人都知, 莊家股寧可買高,不要在大跌時買入, 同樣係隻918,我都玩過不下10次(短線)全部都係已當時最高價入, 之後都能賺錢走人,但一大插就不要再買,反彈完就會好似686,979,767,736,1197, 147,......永遠冇人玩!!!

 
8186都係一樣,我在上升時就會短炒,一大插就一定吾掂!! 有些人以為大插就係莊家吾掂,如果你咁諗,就真傻,

 
莊家股格言:同一隻股寧可再8元買入睇10元,都不要大跌時在0.2買入

 

你們想知到我係散戶定係莊家,

~~~~~~~~~~~~~~~~~~~~~~~~~~~~~~~~~~~~~~~~~~
fai 會員編號 286 2000/3/8 PM 08:31:52 參與討論

其實我係一個散戶,我在90年開始玩股票,當時19歲,只得兩萬元,第一隻買入既係長江實業(19.3),大約22元出貨,由此開始我就對股票好有興趣,睇好多好多既書,強化自己股票知識,在94年我遇到真正既有錢佬,但佢不憧股票,從至佢就利用我d股票知識,我就利用佢d財力,大家已合作幾年,相當愉快,我就負責簡股票,會吾d上市公司老闆,佢就聽哂我話,任由我買賣,我最自豪既係97,98年,全年計算都有錢賺,

 

果然係高手,如果764個老闆低價批股,這個係有可能的,但不一定下跌,764仲有兩個股東各9%(138&326)他們成本1.38(上市價),你估我地每人拿幾百萬出來,係亂簡一隻來玩,當然不是,請你放心吧! 有位朋友又話拿千幾萬博千幾萬值得咩!邊個同你講博千幾萬呀!咁睇少我地!!

 
舉幾個例,979上市1元樓上,之後插到去0.1,收集完成炒上5.5元,已我所知莊家成本0.45,出貨價平均4元,賺10倍, 595先思行上市1元以上,同一樣玩法,插到0.18,之後升到5元以上,莊家賺8-10倍, 以上兩隻股由低位到高位,其實基本因素都係一樣,兩個字(垃圾),最緊要有莊家部署炒,764我不敢話賺10倍,你比心機睇下會點, 你由可以睇番595同979兩隻股既上市時圖表過程,收集同派發用多少時間,人地賺10倍利潤不是一朝一夕

 
如果你記得,我講過蛇年會玩764,其實隻股已圍哂貨,街貨已冇幾多, 但你們不要入,原因點解,講出來好殘酷,話到明一有街外人跟,我地就會吾玩,做到低收,悶死你,所以你們只可以學莊家股係點玩,我地不會露牌買入,因我地心知愈露牌愈冇貨,成個畫面不好看,到我地要派貨時至會大手掛入,其實到這時已知街冇貨比,係比人睇既,趕個價上去,我相信只有我會教大家這些東西,希望你能學習到其他地方學不到既野! 764係小弟第一隻打莊既股(同幾個人合資),成間公司只發行1億5千萬股,扣除大股東既貨,只得約2000萬股,我地既貨已佔85%,收集1年,成本約0.6,賬面仲要輸,

 
不知所謂,如四隻眼鏡股389,1120,907,125,後3隻PE只得3倍,息率達10%以上,但永遠冇人吼,仲有幾隻1037,641,328,615,716,一樣冇人吼,上述既股票不是上市一兩年(蜜月期情況不存在),但點解所有人(包括ME)都寧買些垃圾去炒,都不願意買入他們,只有隻321因盈利實在太勁,所以D大行至會吼,香港市場真怪,
近日興炒私有化股,其實做香港上市公司老闆,真蝕底,如果不埋堆既話想有人炒都難,享有PE全球最低,你睇國內A,B股同香港的H股就知,所以有句話現在香港新上市公司一定係垃圾,如果係好一定不會上市,以下就係我記得這幾年私有化既股票,如有遺漏請指教:

 
嘉宏國際123(我相信玩股票少過7年既朋友都未必識)
愛美高34(不是631)
中華娛樂
寶來1073
大通卡405
恰和氣車100
森那美249
五豐行318
名力478
協建1121(未落實)

 

天下第一莊的故事
~~~~~~~~~~~~~~~~~~~~~~~~~~~~~~~~~~~~~~~~~~
Fai 發表於 2001-04-05.11:05:48

檸檬茶條靚蔡仔,90年初出到,靠快,狠,準見稱!早期得意作品438,81(約93-95年)

 

為人所熟識緊係600,1047(玩股年資短不會識)近日既979,73,875,723,1180都是他有份的,不過主力就係73,隻股原本諗住用條最舊橋,炒高拆細派貨,點知拆細就拆左(1拆10),但他估不到科技股爆裂,如意算盤打不響,就埋伏了大半年,一直都不跌,想搵人接貨,邊到會有人肯接,最後就被斬倉!!想搵師傅救命,大家都知檸檬茶近日官司纏身,自身難保,

 
其實香港現在最好投資一定係存款,因為通宿2%+利息3%=5%,加上美元強勢,港元受惠,以今年計相對日元已升值20%,最簡單其實就得到最多,我本人在上年6月開始已將60%資金做定期,15%作短炒,25%就係長線投資,你地都知邊幾隻321,203,764,期權

 
資金運用一定要識,我在95-97年我不單冇存款,仲做大量倉添,不過好多人連牛市,熊市都不識分別,

 

評論殼股

~~~~~~~~~~~~~~~~~~~~~~~~~~~~~~~~~~~~
fai 會員編號 286 2000/8/28 PM 05:50:08 參與討論

 

我十分同意wei既講法,下一個大浪一定有股票能升十倍,所以請大家現在發掘d有潛質既殼股,不過有好多人都有錯覺以為價位平就會係賣殼對象,係大錯特錯,好以現在d109,273,211,401,雖然係仙股但一d都吾平,因佢地發行既股數實在太多,以上幾隻仙股都超過4億,我地可以參考今個科技浪既殼股就容易分別邊些股會被人睇中,有1186得信佳,603金力,1196昌明,648祥華,59安佳,563永順,622幸福,(全部已改名)佢地都有個共通點,就是未Q睇中前全不起眼,市值少,成交少,股權集中,負債不多,好似1186咁,盈科未收購前三個星期,0.065左右日日都有成幾M出貨,但買盤好少,以後停版收購,一開市升到3元,絕非係211,109能做到的,

 
我有幾隻心水殼股都值得大家參考,384聯網,發行2億股,市價0.23,市值不足5千萬,負債不多,約幾百萬,211既市值係384既10倍,如果你有幸買殼你會簡邊間
933先來,已冇太多業務,手持CASH7億元,每股0.58,現價0.28,冇負債,

 
726東南,負債不多,股數少,市值細,都係靚殼一族,

 
不過上面都提及,殼股會悶到你死,不是所有投資者都...

 

數歷來供股經典場面
~~~~~~~~~~~~~~~~~~~~~~~~~~~~~~~~~~~~~~~~~~

今日隻138宣佈供股章程真係大開眼界,有一次我都講過好似211大檸樂d老細, 返工只係諗計點抽水,炒股,根本不是做生意,其實香港真係有好多這樣老闆, 還記得幾年前隻276宇宙(現在新世界數碼)有次同母公司367重組,搞到真係好復習, 供股比例不是整數,再295合一(又不是整數),然後又吾知點樣幾多股換367, 搞到隻276,367到現在都有好多碎股買賣,真係服哂他,日想夜想諗埋哂dPK計, 其實供股都不是次次跌,97年隻351中州,約1.5元時公佈供股1供4每股0.2, 一復牌真係大跌到約1元,之後好快就上升,最後仲可以升上5元添,因當時氣氛太好了, D人話要買隻(拿)先有得供咁平既貨.所以.....

 
211大檸樂又供股了,這股係我最睇死佢,約年半就會供股,兩年就什麼10合一, 就連醒目仔兄都不信一間咁多現金既公司又會供股,上次仲話D大戶不會次次比你(我)估中, 有些野吾到你不信,因D老闆真係好賤,

 
~~~~~~~~~~~~~~~~~~~~~~~~~~~~~~~~~~~~~~~~~~
fai 發表於 2001-10-31.20:35:23

 
通常供股既公司大股東都持極少數,138大股東持有19%,211都係差不多, 原因我講過好多次,不過講番比些新網友聽啦!!原因:例子供股集資1億,大股東持有20%只拿2千萬,間公司就有1億(多出8千萬) 試想個1億用途邊個話事呢!!用途就多到極,如買自己D私人公司,當然個價... 買大屋比主席住,買車,買車牌,買遊艇,包女星.......我地既錢呀!!!

 
這些公司一定不會派股息,原因就係供股既相反,拿公司錢派80%比老散,自己袋20% 佢地除非痴了線先會咁做上述既野我在兩年內寫超過四次,咁長氣只想多些人知,

 

熊市反彈及盈動評論

 

最簡單道理其實最好用!!!
~~~~~~~~~~~~~~~~~~~~~~~~~~~~~~~~~~~~~~~~~~
fai 發表於 2001-06-29.20:00:42

8號仔跌到10元時我已一早就話輸得最多錢既人不是26元買的人,都不是10元買的,已係....8.....6.....4元買既人,因當時股民會覺得好低已買入大量,又會覺得人家20元以上買,我都係5元買,洗咩驚呀!!!到最後5元買入個位都跌60%,輸這60%可能係你全副身家既60%,但26元買個位雖然輸了93%,但可能係佢身家既不足10%,咁你話邊個傷,
當時跌到10元好多人都話電訊都值十元啦!!其實大錯特錯,如果單係電訊當然會值十元,但同件垃圾合併就玩完了,套理論就係:有兩隻雞蛋,一隻好,一隻壞,如果分開係冇問題的,好既都係好,壞既都係壞,但一結合炒埋一碟,你會不會食呢!!!就係一個咁簡單道理,不過我都吾知點解有個大學校長,什麼經濟講師曾x滄都會中招,他們都不是26元中招,已係十元,如果你係一般散戶都不怪得你,但受個高深教育都搞成咁就修家啦!!

 

評論大市同盈動1186

~~~~~~~~~~~~~~~~~~~~~~~~~~~~~~~~~~~~~~~~~~
fai 會員編號 286 2000/8/8 PM 06:10:17 參與討論

 
大市走勢在預期內,10日線上星期已跌破20日線,星期一係走勢陷阱,恆指會反覆下趺,不要以為吾加息就冇有怕,你睇日本既股市就知,日本貼現率去到0息,都冇用,係死就死,吾加息只係一個借口,我睇年尾會見12500,可能係誇張左,但吾誇張我既野邊有咁多人睇,

 
1186近日有好多分析員又話見28,32,40,佢地真係用心良苦,咁都講得出,明顯係騙散戶上車既技倆,我既空倉1186會在18號後至會平倉,如果信我既朋友,就算冇沽空1186,你都吾會買,都算幫到你,不要信什麼高級分析員,數碼港既地產項目就算賺哂都係幾十億,但1186每年比息都係咁上下,長線1186必見8元以下,

 
沽空盈動1186

~~~~~~~~~~~~~~~~~~~~~~~~~~~~~~~~~~~~~~~~~~

fai 會員編號 286 2000/8/4 PM 09:20:45 參與討論

 
有好多人以為1186會升上18.6以上吸引電訊既股東換股, 真是大笑話,因大多數證券行同銀行既客戶,都要在今日決定兩個方案選其一,當然100%都會簡現金方案,咁近日1186點解會咁強呢!原因只有一個,就係{盈富基金}買貨, 1186既證股証今日大趺,明顯係{盈富基金}只買正股,不會買warrant,就係咁簡單,我已在16.9-17.6開始沽空1186,我會在8月尾至平倉,我相信到月中時1186冇左盈富買入,單靠d無知散戶,個價一定大散,

 

TOM仔裁員科技股有排跌

~~~~~~~~~~~~~~~~~~~~~~~~~~~~~~~~~~~~~~~~~~
fai 會員編號 286 2000/7/28 PM 09:04:40 參與討論

我在PRU講過不知幾多次,科技股已玩完, 如信我既朋友,都可以避開無謂買賣, 1137我上次都話未見底(1.22),一星期後得番1.02, 我真係估計不到1137要趺到什麼位才出現黃金交叉(10日線升破50日線),已有7個月,10日線在50日線以下,有可能1137再出現黃金交叉時會在0.3,好似隻616(i100)最高21元,現在0.92都未有見底跡象,

tom仔我既目標價1元,同類型8006個網好過tom千萬倍,都跌到0.92,tom市值最大,發行股數最多,如果不是後台勁8001只值0.2,我比1元佢其實已對有0.8係(超人)既溢價,
不是誇張,你問心講你上hongkong.com,36.com多d,定係上tom.com多d,我自己只上過兩次tom.com,但36,hk網就日日上,今日36.com上市都係值0.29,記住8001市值比起8036大幾十倍,

 
科技股幾時會重上2月份高位?

~~~~~~~~~~~~~~~~~~~~~~~~~~~~~~~~~~~~~~~~~~
fai 會員編號 286 2000/7/23 AM 07:37:35 參與討論

你們可以參考97年既H股和紅籌股就知,我做了一個簡單統計,這四年內只有四隻股可創97年新高553,409,418,992好多都吾超過97年50%,好似近日你會見到個價嘩嘩聲既1109,其實96年在2.36上市,97年升到7元,現在點勁都係1..71,仲有1055南航.97年上市4.7最高6元.現在都係2.525都未返上市價,就算質素最好既144都只不過係97年高位既25%,我上日推介171都只係97年高位10%,仲有隻517,97年做14元,現在0.7,剛剛5%,如果你們諗到仲有邊隻可以有97年高位50%,就話我知,
科技股命運一樣,上番高位難過登天,我一早已提及係一樣,但當時好多人都吾信,

一隻炒傷過既股票係好難升得番,好似人一樣,大病完你對自己都會冇信心,

因莊家有錢都會簡D未傷過來炒,原因好簡單,我擋你有二億,一定要你簡隻2,3線股打莊,(2億一定夠打起一隻2,3線股),你都會簡隻從未炒過,邊有傻仔會同人出蟹貨呢!

 
復出第一炮

~~~~~~~~~~~~~~~~~~~~~~~~~~~~~~~~~~~~~~~~~~
fai 會員編號 286 2000/7/18 PM 06:27:51 參與討論

我冇寫一排,其實自己都好吾慣,主要原因係吾想累大家輸錢,但見到個網靜左好多,話題沈悶,都冇我既言論既大膽, 我既言論一向大膽,以後都吾例外:
現在全世界人都話什麼(牛市第二期,下半年必見兩萬) 我本人既睇法就相反,一日未明顯創新高,我認為係熊市第二期既反彈就真,今次大升市成交最大都係180億,扣除兩隻新股762,388,其實得150億,成交背馳,我依然睇年尾,12500,但無論係點,玩股票係炒股,不炒市,因每日都會有十大升幅,你認為我講得對嗎!

我近排成績都吾錯,91,81,717,52都能獲利,只蝕一隻560在0.7入,0.67止蝕,事實証明我不在個網唱一樣掂,命中率達80%

這兩日我入左隻1043光宇,在0.74-0.77,圖表極佳,如突破0.8就再加碼,上望0.95,止蝕10日線,(緊記不是要你買入,因金錢係你,考慮清楚)

 
盈動1186最後出貨機會

~~~~~~~~~~~~~~~~~~~~~~~~~~~~~~~~~~~~~~~~~~
fai 會員編號 286 2000/5/27 AM 06:16:04 參與討論

目標價不變一年4元(可能高估)科技股熱潮已完結,1186現在似一堆好貴既垃圾,係一堆幾千億市值的垃圾,電訊(8)因政府取消專利,將來盈利只有倒退,個d什麼[互動電視].[互聯網服務],[光纖傳訊],在現時人們醒悟下,概念根本吾work,所以1186點值幾千億, 最重要李氏收購{得信佳}時發行過大量可換股債券,換股價係0.06合併計0.3(盈動曾5合1)這批股份對1186會帶來好大壓力, 1186近日好硬淨,明眼人都知道係為什麼,當完成收到電訊,就會還我本色,跌穿250日線, 你地吾好忘記日本兩大龍頭軟庫,光通信,在日本都跌九成,香港603,648都係一樣,1186相對趺幅實在太少,

 
今次災情同97年的分別

~~~~~~~~~~~~~~~~~~~~~~~~~~~~~~~~~~~~~~~~~~
fai 會員編號 286 2000/5/9 PM 06:29:13 參與討論

97災情好全面,先殺即日鮮,依次序散戶,大戶,莊家,包銷商(供股上身),富豪(488,355,279....)多到數吾哂,因對上一次股災已係十年前(87年)散戶或大戶都吾記得了,
但今次好吾同,輸錢既只係散戶,大戶一定吾洗輸分毫,

對上一次港股跌穿250日線已係97年10月,當時250日線在13200點,一跌破一星期內趺到落8700,然後衰足一年,仲見6500,不過今次一定吾會趺得咁急,因做倉既人大幅減少, 但前景都吾睇好,地產股,銀行股,科技股,這三種股票係港股支柱,全部現在都好難搞,點睇香港都吾值10000, 764今日在0.68-0.75收了12萬股,現在累積86萬股,收集目標股數150-200萬股,中長線持有,不作短炒,

 
評論盈科(8)走勢

~~~~~~~~~~~~~~~~~~~~~~~~~~~~~~~~~~~~

fai 會員編號 286 2000/9/7 PM 06:15:40 參與討論

熟識我既朋友都知我睇淡盈科,直到現在都無改變,今日係盈科至收購1186得信佳以來,首次跌穿250日線收市,這條線承托住個價約有13個月時間,雖然未到正式跌破,(5日線跌破250日線),一但這情況出現咁就大獲,跌幅量度8元,咪以為冇可能,97年最有實力既363都由50跌到7元,291由33跌到4元,最慘既就係到現在363,291,都冇當時50%
我猛烈評擊約一個月前唱好盈科既大行,什麼分析員,在報章上又話目28元,35元,前景點好,如果佢地真係評論錯誤,我不會話他們,但係明知係垃圾,係到亂唱引人上車,就吾

股神夢(轉)

股神夢 <一>

看到馬沙講全職炒股, 一時感觸, 等我都講下我悲痛既全職炒股歷史, 係咪發人深醒就唔知, 不過都希望通過我既仆街經驗可以比到大家一d啟發.

我既股神夢係由我打第一份工開始, 果時剛剛我打工果間公司就搞上市, 有個上司就走過黎同我講, 話公司可以比我通過內部認購返一手, 問我有冇興趣, 如果冇, 不如用$2,000賣左個認購權比佢, 果時我完全唔知股票係咩野, 只係係電視睇過”大時代”既方展博對住交易所大叫升, 升, 升咁就發左, 見咩都唔洗做就搵到$2,000, 當然第一時間賣左佢, 這是我人生第一次利用股票賺到錢, 當時我覺得幾開心. (後來當然發現自己比人昆左,果個pk上司原來同唔少同事買左認購權, 上市後一手最少都執左一萬銀)
自此之後, 我見炒股票仲好過打工, 加上自己學歷低, 經驗少, 打工就實永冇前途, 希望自己有朝一日可以成為股市中一條大鱷.(點知最後都係做左點心至真) 於是就日日去書局搵d投資書籍日睇夜睇, 由如何投資股票睇到西人寫既投資書籍都唔放過, 最後仲番夜校學埋會計, 等我可以識睇上市公司年報.(不過好幸運地發現學左會計, 原來對我投資成績一d用處都冇, 反而對我之後創業極有幫助)

之後幾年, 我仍然一路打工一路炒股, 投資成績有嬴有輸, 但投資經驗都比初期好左好多. 有一次,看過美國股神畢非德既自傳 Buffett: The Making of an American Capitalist, 當時佢老人家係香港都未係好hit, 睇到佢原來係廿幾歲就自己開投資公司, 首先叫家人支持自己, 之後投資開始見成績, 就慢慢收其他客, 直至佢老人家解散佢間投資公司, 佢已經係億萬富翁, 果時佢都只不過係三十幾歲. 就係咁就出事, 對當時我這位全身都係熱血既青年完全視佢老人家為畢生偶像, 立志要學佢咁開投資公司, 之後開班授徒, 成為股神. 加上當時又比我符符碌碌係幾次炒作中, 又搵到多少, 令我對投資技巧既自信心強化唔少, 這時就係種下我決定之後全職炒股既仆街之路既開始. (所以其實好多時d偉人自傳, 真係害q死唔少後生仔)

股神夢 <二>

今日係信報睇到錢志健講到心雄比貪心更難處理, 真係講得好岩, 想當年全職炒股會仆街正正就係死係這種心態. 我既腦袋又諗起當時有幾仆街…..

係受到股神既自傳無意中鼓勵下, 我當然要計畫點樣係股市搵大錢既夢想. (如果畢佬知道有條傻仔, 因為睇到佢本自傳就走去全職炒股, 相信一定會心諗”死傻仔, 自傳既野都好信, 如果唔係有個證券分析之父做我師父, 我讀書果時免費走去同佢做打雜跟佢學野, 順手識埋佢d客, 加上我屋企有d家底支持下我, 你估我間投資公司邊有開得咁順利, 當然最重要係我係投資天才先至可以做到股神, 你睇下我班同門師兄弟, 最掂果個鄧佬, 身家都重差我幾皮, 就知我有幾勁, 你個死傻仔唔好發夢, 想學我”)

當時我打工收入都得果幾千銀一個月, 這幾年有時好運上黎, 一個月既炒股收入仲多過打工, 加上覺得當時返工既際遇真係麻麻地, (緊係麻麻地, 果時我份份工都係交左差就算數, 邊有運行) 同上司關係又唔係咁好, 就心諗不如唔好做, 全職炒股, 但問題係炒股最重要有資本, 雖然我累積到少少資本, 但都唔係好多, 於是我做左一件好仆街同埋令我之後好後悔既事, 就係問我屋企人借股本. (大家都可以想像得到, 之後有幾大獲) 結果加加埋都有幾十萬就開始左我既仆街之路.

我辭工既時候正好係 1998 年…..

待續……

(唉, 我都想打多d, 不過我手速成輸入法真係好弱, 如渣估兄所講, 真係重新練過, 不過係咪宜家練簡體會著數d ? 下次會講到我既投資技巧, 除左股神既書, 仲有源自邊幾本書, 有機會大家交流下)

股神夢 <三>

辭工後, 開始左我既仆街之路, 其實全職炒股既日子真係好 free, 根本同退休冇咩分別.

試想想當時我一日就係咁樣過, 朝早8點幾起身, 食早餐, 睇報紙, 之後上網睇新聞, 開即時報價等開市, 留意股市走勢, 上午收市. 食完 lunch , 下午開市後, 就係度對住部電腦發呆, 睇住d跳來跳去既股價直到收市. 四點幾見有時間就走去圖書館睇上市公司年報, (當時d年報都仲未可以係網上睇, 上網真係最偉大既發明) 睇到差唔多就返屋企. 比起之前返工簡直係天堂與地獄, 全程冇人理你做咩, 冇你覺得討厭既上司係度管住曬, 對當時既我係要咁free既人生先覺得有意義. (最後我回想咁既生活同做個廢人都冇咩分別, 人生時間有限, 其實可以做更加多有意義既事, 特別係我之後明白股市玩既都只不過係財富轉移既遊戲, 當然這只不過係我既個人想法.)

在最初開始全職炒股, 我既投資組合 (投機??) 係以二線股為主, 當時我這投資手法好大程度係參考自 The Intelligent Investor by Benjamin Graham (即股神師父) 與及當時從史威德(即林行止先生另一筆名)既書中介紹到英國經濟學家凱恩斯係投資上既生平, 其put all eggs on one basket 既手法令我把投資組合集中在少數股票身上, 只不過由幾隻股票組成. 當時我正處於98年上半年, 其實當時有唔少二線股跌到好低既價錢, 好多股票都從低價買入. (不過係政府入市前,原來低處未算低)

人一生中有三種心態係最容易出事, 一係心雄, 二係心急, 三係空閒. 係我全職炒股既日子就正正有齊曬這三種心態. 如是者過了幾個月, 我見我既投資組合所賺的利潤唔係好多, 加上這些日子沒返工收入, 日常支出都一樣要照比, 好彩當時我冇女朋友, 加上又可以食屋企, 都仲可以頂得住, 不過少數怕長計, 我就開始覺得利用股票賺錢好慢, 以我既本事有咩可能仲未發達, (真係有咩人唔係咁諗)就開始研究點炒恆指期貨.

不過在研究過後, 發現玩期指風險太大, 怕出事既時候, 自己會好大獲. (雖然我好貪心, 但都有小心既一面) 但如果玩恆指期權就風險細好多, 最多都係輸曬d期權金, (就係咁諗就出事) 於是我把我投資組合中有利潤既股票沽出, 套現約20%本錢, 準備轉到炒恆指期權. (好明顯大家都會估到, 最終我係仆街係恆指期權手上)

當時我睇住恆指由11,000點係咁跌到9,000點…

待續….

股神夢 <四>

係未講我點仆街法, 我想講下睇投資書既經驗.

因為全職炒股既關係, 我平時都好得閑, 一有時間就睇書. 我曾經睇過唔少關於大炒家既理論及自傳, 其中有一本書, 我好鬼印象深刻. 就是索羅斯果本大作 The Alchemy of Finance, 本野係我睇過咁多本既投資理論書, 唯一一本係我點睇都係一知半解既投資書, 佢老哥講既反射理論有如金庸小說中既倒練九陰真經一樣, 唔係普通人可以睇得明. 果段期間我真係花左唔少時間去讀, 仲讀到差d走火入魔, 唔怪之d人話讀哲學既人唔係天才就係白痴. (當然可能有其他人可以係其中悟出絕世奇功)

另外有一本奇書叫做 Reminiscences of a stock operator by Edwin Lefevre, 係講述一百年前大炒家 Jesse Livermore 既炒股事績. 我大部份投機炒股既方法都係從這本奇書身上學到. 誠意推介比各位希望係股市有一番作為既朋友, 絕對係縱橫股市, 必備良書. 當時本書日日比我睇到差唔多爛, 其中所講既炒股實戰理論, 直到現在我仍記在心中. 特別有一段講佢做左少年股神都唔夠一年, 就炒棉花輸q曬d錢, 結果仲欠人周身債, 之後足足衰左幾年, 最後又比佢炒股翻到身, 其中講佢既經歷同心態上既轉變, 我宜家都仍然記憶猶新.

講完投資書, 係時候講番我條仆街之路.

上帝要你仆街, 必先令你瘋狂. 自從我決定炒恆指期權後, 就日日留意住恆指既走勢, 我唔知係好運定係行衰運, 當時香港就咁岩遇上金融風暴, 恆指就由11,000點係咁跌, 我就一直係度諗點炒好. 首先我認為當時恆指大方向既走勢一定係跌, 我就係約9,000點開始買恆指put期權, 結果唔洗幾日, 我就賺到等於我之前返工超過一年工資既金額, 可以想像得到當時我係有幾 high, 心諗以前同人打工果時, 做到成隻狗咁, 仲要日日比人問候, 一個月都係得果幾千銀, 宜家只係一日就搵到相對之前一年既人工, 比我炒多幾個月, 容咩易做到千萬富翁. (直到現在我都唔想承認當時既我係short左)

之後就由9,000點一路買put買到7,000點, 越係賺到錢, 越係心雄越係瘋狂, 我見炒股票都冇炒期權咁好搵, 再把股票組合中, 再沽出大約一半股票出黎, (多年後回想,沽出當時手上股票投資組合這決定,可列入我人生十大白痴行為之首, 點解? 之後再解釋) 其中資金轉去炒期權. 當恆指跌破7,000點既時候, 雖然我已經 high到傻左, 但仍然有些少理智, 我好似好聰明咁認為恆指一定會反彈, 結果我係恆指6,800點時, 反手轉買恆指 call 期權, 雖然之後恆指下跌到6,600點, 我都冇沽出手上 call 期權, 仍然一路keep住買call 期權, 結果恆指真係反彈到7,200點, 我賣清手上 call 期權, 又再度故技重施反手買 put 期權, 仲要係好大手咁買, 心諗如果搞掂埋哩次就發達.

但當日股市收市後, 突然間係電視機睇到話有特別廣播, 有三條友口黑面黑, 好似比人殺左老豆咁走出黎開記者招待會…..
這時是我仆街既開始….

待續…….

股神夢 <五>

當我係電視機見到未來特首係度話, 宜家官府決定入市打大鱷, 當時第一時間心諗:” 仆街 !! 點解官府會入市 ??? 冇可能 !! 香港唔係一直都實行積極不干預政策, 教科書都係咁講, 唔通索攞絲條靚好串咁係電視話聯匯一定會脫勾, 搞到官府要入市, 頂 !! 我仲大手買 put 期權, 點算好 ?? 今次真係殺錯良民 ”

(事後為左這個”教訓”, 我唔想自己死得不明不白, 我追查當時官府入市既資料, 除左發現官府果邊有高人指點外, 如果唔係都唔會入市時機計得咁準, 還有就係發現所有有份幫官府入貨既大行, 一早就收到風, 既然大行都可以收到, 當然索攞絲等大鱷都收到, 當我係6,600點買 call 期權仲以為自己好醒果時, 點知原來各大鱷已經著手平淡倉, 同埋準備反手做好倉, 就係咁樣, 我先買中… 最後發現原來咩反射理論都係假, 收風快先至係王道, 唉! 等我之前仲係咁買佢咁多書返黎睇, 真係浪費金錢)

係官府入市第一日, 我係屋企部電腦睇到百年難得一見既情況, 好有”大時代” feel, 所有藍籌股既買盤都係守係一個價位, 當時我既心情好複雜, 我好開心能夠睇到咁壯觀既場面, 但入場費對我黎講真係好貴, 唔單只好貴, 係好x貴, 係以我所有 put 期權都變成廢紙做代價. 我用左一個月時間炒期權賺番黎所有錢, 結果係一日就輸番曬落去, 仲要連本金都輸左兩成. (回想如果當時我唔係咁黑仔, 果次係比我嬴左既話, 我相信以我少年輕狂既性格, 係之後一定好有可能會破產收場, 這場挫折可能係不幸中之大幸.)

雖然當時我遇上大挫敗, 但我都未灰心, 仍然希望可以利用餘下既資金, 賺番之前所失去既錢, 咁就埋下我把餘下資本都輸埋既伏線. 係投資(投機 ?)上, 其實好講”平常心”這東西, 平常心係對所有事物既分析力既本源. 當一個賭徒係賭場輸左大錢之後, 通常都會希望能夠利用餘下既錢去嬴番之前所失去既錢, 結果就只有把連手上少少既錢都輸埋, 因為佢已經失去平常心, 佢只係用一個不切實際既願望去主宰佢既行動, 而唔係用理性既態度去主宰佢既行動. 其實大炒家 Jesse livermore 係佢本奇書, 都提過這種心理壯態, 佢自己都試過好幾次係咁既心理壯態下輸大錢, 當時我日讀夜讀佢本書, 雖然明白這道理, 但係臨場既時候都係一樣控制唔到我自己, 可見要投資發達唔係一件容易既事. (當然有其他大炒家睇到我咁寫, 就會心諗係你廢姐, 又唔見我係咁, 死傻仔)

幾個月後, 失去平常心既我, 結果….

待續……

股神夢醒

在官府入市之後幾個月內, 我仍死心不惜希望可以把輸左既錢嬴番黎, 結果我把手上股票投資組合不斷地沽出 (本來我最初原意是長線投資), 把資金轉到去炒恆指期權. 結果好快咁係幾次估錯恆指方向下, 輸到得番本金約四成. 到左果陣, 我開始覺得驚, 原因唔係因為炒賣輸錢覺得驚, 我當時好天真咁覺得這些錢輸左, 咪當買個經驗, 我仲有一日一定可以搵得番, (之後實情係我衰左好耐, 先等到果一日, 當時我完全唔明白有些機會冇左, 就真係可以一世都搵唔番, 所以宜家我做生意時, 好珍惜所有賺錢既機會) 但我宜家輸既錢大部份都係同屋企人借, 這一點令我覺得好後悔, 唔知點面對屋企人.

結果有一日, 我既心情好 down 咁同我老豆講炒期權輸錢這單野.點知我老豆用家長式口吻同我講 : “衰仔, 一早知你會死硬, 年少氣盛, 以為自己識少少就好醒, 係我借錢比你果日, 就知你會有今日” 當我聽完我老豆咁講, 即場謝曬, 不過我老豆見我死曬狗個樣, 就唔忍心地安慰我 :”算拉! 衰仔, d錢輸左當買個教訓, 下次醒目d” 果刻我完全感受到父愛既偉大, 我好感激上天安排一個咁好既老豆比我.

既然全職炒股衰左, 就只有面對現實. 當時我就把手上餘下股票係有少少利潤情況下沽出, 先把錢還比屋企, 但都係唔夠, 之後再諗辦法一路路還返比屋企. 但當時其實我都迷茫, 如果我唔炒股票, 就好似咩都唔識, 自己都唔知可以做d咩野好, 返出去打工又好似係死路一條. 直至當時有一日, 買左隻”華爾街”既vcd番屋企睇, 這套野真係好精彩, 完全反映拍出金融界既真實既一面, 特別係 Michael Douglas 飾演大炒家 Gordon Gekko , 除左佢果句金句 Greed is good 外, 佢有一段對白令我完全改變我之前對股票市場既睇法.

Gekko: The richest one percent of this country owns half our country’s wealth, five trillion dollars. One third of that comes from hard work, two thirds comes from inheritance, interest on interest accumulating to widows and idiot sons and what I do, stock and real estate speculation. It’s bullshit. You got ninety percent of the American public out there with little or no net worth. I create nothing. I own.

這段對白令我明白原來股票市場只不過是一處被人利用把財富轉移既地方, 本身這地方是完全不存在任何創造價值. 當我明白這道理後, 開始諗炒股票係咪可以成為終身職業 ? 連大炒家 Jesse Livermore 都炒到最後要吞槍自殺, 我係咪都要步佢後塵 ? 最後我醒悟到炒股票真係過唔到世, 開始想做生意. 當時我諗住做生意, 最重要係推銷, 於是我去搵左一份 sales 既工去 train 自己, 就開始左我另一段生涯.

股神夢完.

馬後砲

有一件事其實我一直都冇同任何朋友講, 原來要係股票市場發達係好容易, 宜家我馬後砲講講, 八年前我全職炒股時所買既股票投資組合, 今日我透露其中一隻我當時本來打算長線持有既股票, 佢姓建名滔化工, 果時我從佢份年報睇到間公司果幾年不斷投資開廠, 當時我認為這隻股票股價兩年內一定會大幅上升, 係1.3-1.4入左15萬股, 結果持有到我決定不再全職炒股, 就賣清佢, d錢還番比屋企. 如果當時我唔係炒期權, 而係咩都唔做直到現在, 咁我就發達. 原來 buy and hold 真係可以發達. (不過宜家諗番起個心情, 就好似唔見左張中左六合彩頭獎既飛一樣, 好X心痛)

我公開這個經驗係咪令好多人會改變對炒股既想法 ?

Trade like Jesse Livermore

Don't concern yourself with why things are happening. Only observe what is happening. The reasons why will be eventually revealed to you - by then it will be too late to make money - the move will be over!

No trader an or should play the market all the time.

Don't try and anticipate what the market will do next - simply go with the evidence of what the market is telling you - presenting to you.

Profits always take care of themselves but losses never do!

Stocks are never too high to begin buying or too low to begin selling short.

As long as a stock is acting righ, and the market is right, do not be in a hurry to take a profit

The chief executive officer of most companies is little more than a cheerleader who has only one job with regard to the market.

New highs are very important for timing.

Group actoin is a key to timing

Trade the leading stocks in the leading groups - as the leaders go so goes the entire market.

Beware after a long trend up when volumn gets heavy, and stocks churn.

Never become an involuntary investor by holding a declining stock.

Never buy a stock on reactions, and never short a stock on rallies.

Never meet a margin call and never average down in your buying.

“There is nothing new on Wall Street or in stock speculation. What has happened in the past will happen again, and again, and again. This is because human nature does not change, and it is human emotion that always gets in the way of human intelligence. Of this I am sure.”

Here is a summary of Jesse Livermore’s money management rules:
1. Use probes—don’t buy your entire position all at one time;
2. Never lose more than 10 percent of your investment;
3. Always keep a cash reserve;
4. You need a reason to buy a stock and you need a reason to sell;
5. Put half the profit from a windfall trade in the bank.